Preso dinedo sa gulpi ng 4 preso

LEGAZPI CITY, Albay , Philippines  — Patay ang isang inmate na may kasong rape matapos itong pagtulungang bugbugin ng apat na kasamahang preso sa loob ng detention cell sa Brgy. San Lorenzo, Tabaco City, Albay noong Miyerkules ng hapon. Naisugod pa sa Ziga Memorial District Hospital pero idineklarang patay si Marianito Calipay Abas ng Malinao, Albay. Nakilala naman ang mga suspek na sina Glendo Cervantes, Domingo Loncero, Fernando Tarasmo, at si Jinggoy Bombales. Sa police report na nakarating sa Camp Simeon Ola, dakong alas-5:15 ng hapon, nasa loob ng Inmate Classification and Counseling Unit ng BJMP District Jail ang biktima nang komprontahin at gulpihin ng mga suspek. Ayon kay J/Senior Insp. Joseph Lucila, lumalabas sa paunang imbestigasyon na may matagal nang alitan ang biktima at ang isa sa mga suspek noong nasa labas pa.