Pulis-Taguig itinumba ng tandem
TUGUEGARAO CITY, Cagayan , Philippines - Isang miyembro ng Taguig City Police ang itinumba ng riding-in-tandem habang kumakain sa loob ng pansitan sa Barangay Centro 2, Tuao, Cagayan kahapon ng tanghali. ?
Kinilala ni Cagayan Police Director Sr. Supt Warren Tolito ang napatay na si PO1 Michael Alvares na sumubsob sa hapag-kainan matapos mapuruhan sa ulo sa harap ng mga nagulantang niyang kasamahan dakong alas-11:00 ng tanghali. ?
Sa paunang imbestigasyon, pauwi sa kanyang lugar sa Brgy. Mauanan, Rizal si Alvares at kanyang mga kasama sakay ng isang Toyota Hilux SUV nang nagpasya silang subukang tikman ang pamosong Pansit Batil Patong sa lugar kung saan naman siya natiyempuhang salakayin ng killer. ?
Nagsigawan at nagtakbuhan palabas ang iba pang mga parokyano ng pansitan sa takot na mabalingan ng salarin. ?
Sinabi ni Tolito na isasailalim sa inspeksiyon ang dala ni Alvares na SUV at inaalam ang dahilan ng kanyang pag-uwi sa probinsiya. ?May kinalaman sa drug trade ang sinisilip ng mga imbestigador na anggulo ng krimen.
- Latest