Tatay itinumba sa school
CAVITE , Philippines – Napaslang ang isang tatay habang nasugatan naman ang kanyang anak na babae makaraang pagbabarilin ng hindi kilalang lalaki sa labas ng Malabag Elementary School sa bayan ng Silang, Cavite kamakalawa. Kinilala ng pulisya ang napatay na si Willy Alcantara Alcaraz ng Barangay Toledo habang ginagamot naman sa ospital ang anak nitong babae na si Irish Janel Alcaraz, 11, ng Malabag Elementary School. Tinamaan naman ng ligaw na bala ang vendor na si Michael Dinglazan Narvaez ng Barangay Kaybagal South sa Tagaytay City, Cavite. Base sa police report na nakarating sa Camp Pantaleon Garcia, inihatid ng biktima ang anak nito sa nasabing eskwelahan kung saan lumapit at niratrat ng gunman. Narekober sa crime scene ang limang basyo ng bala ng cal. 45 pistol habang patuloy naman ang imbestigasyon.
- Latest