5 bulagta sa buy-bust
BULACAN, Philippines – Lima-katao na sinasabing sangkot sa drug trade ang napatay sa magkahiwalay na anti-drug operation ng pulisya sa mga bayan ng San Miguel, Bocaue at sa San Jose Del Monte City, Bulacan kamakalawa.
Kinilala ang mga napatay na sina Rogelio “Abog” Guevarra, Andrew Eser, Richard “Galon” Galon, alyas Botong at Alyas Dodo na mga residente ng Barangay Muzon sa San Jose Del Monte City.
Nakatakda namang kasuhan ang isa pang suspek na si Lorie Ana Legaspi, ka-live-in ni Eser, ng Brgy. Antipona, Bocaue.
Base sa police report na nakarating kay P/Supt. Isagani Enriquez, si Abog ay napatay sa inilatag na buy-bust operation sa bayan ng San Miguel kamakalawa ng gabi matapos itong kumasa sa mga pulis sa bayan ng San Miguel. Samantala, napatay din si Eser ng mga tauhan ni P/Supt. Jowen Dela Cruz sa anti-drug operation sa Barangay Antipona, Bocaue.
Maging si Galon at dalawa nitong kasabwat na sinasabing kumasa sa mga pulis sa buy-bust operation ay napatay sa bahagi ng Pabahay 2000, Barangay Muzon.
Narekober sa mga napatay ang cal.45 pistol, tatlong cal.38 revolver,12 gauge shotgun, mga bala, 24 plastic sachet na shabu, mga drug paraphenalia at ang marked money.
- Latest