Terminal inatake ng tandem: 3 utas!
Dead-on-the-spot ang mga biktimang sina Arnold Marquez ng Blue House, Barangay Dalig sa Teresa; at Ariel Mendoza ng Maugat, Barangay Maybancal, sa Morong, habang naisugod pa sa St. Therese Hospital si Richard Marasigan ng Marketing Sitio Canlibot, sa Bagumbayan, Teresa, ngunit nasawi rin bunsod nang tinamong mga tama ng bala sa iba’t ibang bahagi ng katawan. File
MANILA, Philippines - Patay ang tatlong tricycle driver nang paulanan ng bala ng riding-in-tandem ang kanilang terminal habang naghihintay ng mga pasahero sa Teresa, Rizal kamakalawa ng gabi.
Dead-on-the-spot ang mga biktimang sina Arnold Marquez ng Blue House, Barangay Dalig sa Teresa; at Ariel Mendoza ng Maugat, Barangay Maybancal, sa Morong, habang naisugod pa sa St. Therese Hospital si Richard Marasigan ng Marketing Sitio Canlibot, sa Bagumbayan, Teresa, ngunit nasawi rin bunsod nang tinamong mga tama ng bala sa iba’t ibang bahagi ng katawan.
Samantala, mabilis namang tumakas ang mga di kilalang suspek matapos ang krimen.
Sa ulat ng Teresa Municipal Police Station, alas-7:45 ng gabi habang naghihintay ng pasahero sa terminal ng tricycle sa Brgy. Bagumbayan ang mga biktima nang sumulpot ang dalawang magkaangkas na suspek sa motorsiklo. Agad na bumaba ang backrider, pinaulanan ng bala ang mga nabiglang biktima at saka tumakas.
Inaalam na ng pulisya ang motibo sa krimen kung sadyang puntirya ng mga suspect ang tatlo o kaya ay para maghasik ng karahasan sa buong lugar.
- Latest
