Player nabagsakan ng poste, dedo
LEGAZPI CITY, Albay, Philippines – Nagkalasug-lasog ang katawan ng 22-anyos na basketball player matapos itong mabagsakan ng konkretong basketball post habang naglalaro sa Barangay La Medalla sa bayan ng Baao, Camarines Sur kamakalawa ng hapon. Naisugod pa sa Dr. Robosa Hospital ang biktimang si Jeffrey Buenafe ng Lambike Street subalit idineklarang patay. Base sa police report na nakarating sa Camp Simeon Ola, dakong alas-5:10 ng hapon habang naglalaro ng basketball si Buenafe kasama ang ilang kaibigan sa basketball court nang biglang bumigay ang konkretong poste at nadaganan ang biktima.
- Latest