Motorbike vs SUV: 2 dedo

QUEZON , Philippines  – Dalawa-katao ang namatay makaraang sumalpok ang kanilang motorsiklo sa kasalubong na SUV sa kahabaan ng Maharlika Highway sa Barangay Panikihan, bayan ng Gumaca, Quezon kamakalawa ng hapon.? Kinilala ang dalawa na sina Armando Arandela, 38; at Conrado Nullanzera, 42, kapwa residente sa Barangay Bamban.? Base sa ulat ng pulisya, magkaangkas sa motorsiklo sina Arandela at Nullanzera nang salpukin ng Nissan Urvan na patungong Maynila dakong alas-4:30 ng hapon. Nabatid na nag-overtake ang SUV sa sinusundang trak kung saan hindi napansin ang paparating na motorsiklo ng mga biktima.? Kasalukuyang nakapiit ang driver ng SUV na inaalam pa ang pagkakakilanlan.