7 sayyaf sumuko
MANILA, Philippines - Pitong miyembro ng mga bandidong Abu Sayyaf Group (ASG) ang sumuko sa tropa ng militar sa Sitio Sanjawali, Brgy. Tandu Bato, Luuk, Sulu nitong Lunes ng hapon.
Ayon kay Brig. Gen. Cirilito Sobejana, Commander ng Joint Task Gorce (JTF) Sulu, dakong alas-12:35 ng hapon nang sumurender ang pitong bandido sa tropa ng militar.
Sinabi ni Sobejana na kabilang sa mga nagsisuko ay ang mga tauhan ng napatay na Sub-Commander ng mga bandido na si Alhabsy Misaya.
Kinilala ang lima sa mga nagsisuko na sina Aminula Sakili, Saharijan Sakili, Hayden Sahidul, Sattar Sadjal at Orik Samsuraji .
Ang dalawa pa ay sina Princibal Abdan at Annu Asaraji; pawang mga tauhan ni Abu Sayyaf Sub- Commander Idjas.
Nabatid na ang mga ito ay nagsisuko dahilan sa matinding depresyon sa sunud-sunod na pagkamatay ng kanilang mga lider sa pinaigting na opensiba ng militar.
Kasalukuyan ng sumasailalim sa masusing tactical interrogation ang mga nagsisukong bandido.
- Latest
