4 patay sa highway tragedy
MANILA, Philippines – Apat-katao ang namatay makaraang magbanggaan ang dalawang motorsiklo sa kahabaan ng highway sa bayan ng Dauis, Bohol noong Linggo ng gabi.
Kabilang sa mga namatay ay sina Carmel Vizande, 35; Marjun Bolunos, 28; Jason Piquit, at si Earl Piquit, 24; mga nakatira sa Tagbilaran City.
Sina Bolunos at Vizande ay kapwa namatay habang isinusugod sa Gov. Celestino Gallares Memorial Hospital sa Tagbilaran City habang ang mga backriders na magpinsang Piquit ay magkasunod na namatay habang ginagamot sa nasabing ospital.
Base sa police report na nakarating sa Camp Crame, patungong Panglao si Vizande mula sa Tagbilaran City nang makasalpukan nito ang motorsiklo naman ni Bolunos na kaangkas ang magpinsan bandang alas-7 ng gabi.
Lumilitaw sa imbestigasyon ng pulisya na pawang walang helmet ang mga biktima kung saan ang motorsiklo ni Bolunos ay walang headlight habang inaalam kung nasa impluwensya ng alak ang mga ito.
- Latest