Pacman binisita ni Stallone sa Wild Card

LOS ANGELES - Bumisita ang isang Hollywood superstar sa Wild Card Gym para makita si Manny Pacquiao na nagsasanay.

Muling humanga si Hollywood actor Sylvester Stallone sa ipinakita ni Pacquiao sa kanyang anim na rounds na sparring kay Raynaldo Beltran.

Nagposte naman si Pacquiao ng kanilang litrato ni Stallone sa kanyang Twitter.

“He’s the best fighter ever,” sabi ng “Rocky” star sa Filipino icon na sasagupain si Jessie Vargas sa Las Vegas sa Linggo.

“Even better than Rocky Balboa!” dagdag pa nito.

Ayon naman kay Pacquiao, inasahan na niyang bibisitahin siya ni Stallone na ikinukunsidera niyang ‘longtime friend’.

“He always visits me while in training whenever he can,” wika ni Pacquiao. (Dino Maragay)