P1.8-M droga nasamsam
MANILA, Philippines - Umaabot sa P1.8 milyong halaga ng droga ang nasamsam sa inilatag na drug bust operation ng mga awtoridad sa bahay ng isang big time drug pusher sa General Santos City noong Lunes ng madaling araw. Sa ulat ng Police Regional Office 12, sinalakay ng mga tauhan ng pulisya at Philippine Drug Enforcement Agency (PDEA) Region 12 ang bahay ng suspek na si Datu Manong “Dats” Abdulrakman sa Barangay San Isidro sa nasabing lungsod. Isinagawa ang raid sa bisa ng search warrant na inisyu ng korte laban kay Abdulrakman na nasa drug watchlist ng pulisya bilang high-value target. Nasamsam ang 250 gramo ng shabu na nagkakahalaga ng P1.8 milyon kung saan ang suspek ay kabilang sa mga itinuturing na top drug traffickers sa Central Mindanao.
- Latest
