Barangay chairman, pinabulagta

TUGUEGARAO CITY, Cagayan, Philippines - Napatay ang 53-anyos na barangay chairman matapos itong ratratin ng mga hindi kilalang lalaki sa Barangay Cabaruan, Cauayan City sa Isabela kahapon.? Sa police report na nakarating kay P/Supt. Ariel Quilang, hepe ng Cauayan City PNP, naglalakad pabalik sa kanyang truck si Chairman Cornelio Mamauag matapos kumain sa karinderya kasama ang mga barangay tanod nang hintuan ng asul na van saka niratrat. Sa record ng pulisya, unang nakaligtas sa pananambang si Chairman Mamauag ng Barangay Villa Concepcion habang sakay ng kanyang Elf truck sa Barangay Casafuera subalit parang palos itong nakalusot at nakaligtas noong Hulyo 2016?. Pulitika at usapin sa illegal logging ang ilan sa mga posibleng motibo sa pamamaril na sinusundan ngayon ng imbestigador.