Drug dealer inutas sa harap ng anak

OLONGAPO CITY, Philippines – Napatay ang sinasabing 55-anyos na drug dealer na unang sumuko sa mga awtoridad matapos itong pagbabarilin ng mga hindi kilalang lalaki sa loob ng kanyang bahay sa Barangay Cawag, bayan ng Subic, Zambales noong Sabado ng umaga. Kinilala ni P/Chief Insp. Leonardo Madrid, hepe ng Subic PNP ang biktima na si Dolores Cayanan. Ayon kay Madrid, niratrat ang biktima sa harap ng kanyang 16-anyos na anak na lalaki matapos nitong agawin ang baril ng gunman. Tumakas naman ang gunmen lulan ng hindi nabatid sa sasakyan. Narekober sa crime scene ang limang basyo ng bala na cal. 45 pistol at ang magazine na may anim na bala.