Ambush: Ex-chairman, tinedyer dedo

TUGUEGARAO CITY, Cagayan, Philippines – Napatay ang 50-anyos na ex-barangay chairman at kasama nitong binatilyo makaraang pagbabarilin ng riding-in-tandem gunmen sa kahabaan ng highway sa Barangay Cubag, bayan ng Cabagan, Isabela kamakalawa. ?Kinilala ni SPO2 Lorenzo Zillabo Jr. ang mga napatay na si ex-chairman Roque Damagan Jr., 50; at Jayson Lazaro, 18, kapwa nakatira sa Barangay Annanuman sa bayan ng San Pablo.? Ayon sa imbestigasyon, patungo sa kabayanan ng Cabagan ang mga biktimang magkaangkas sa motorsiklo nang harangin at ratratin ng tandem. ?Narekober kay Damagan ang isang cal. 9mm pistol at dalawang magazine ng bala. ?Sinisilip ng pulisya ang anggulong may kinalaman sa pulitika ang pamamaril dahil aktibong nangampanya si Damagan kay San Pablo Mayor Antonio Miro noong nakalipas na eleksyon at nadamay lamang ang kasamang tinedyer.