Obrero natabunan ng toneladang putik, utas

LEGAZPI CITY, Albay, Philippines – Kamatayan ang sinapit ng 30-anyos na construction worker matapos itong  matabunan nang buhay ng malagkit na putik na kanyang ikinakarga sa trak sa Sitio Macabalo, Barangay Bacalon, bayan ng Magallanes, Sorsogon kamakalawa ng hapon. Sa ulat na nakarating sa Camp General Simeon Ola, nagkakarga ng luwad (Clay loam) sa trak ang mga kasamahang construction worker at ang biktimang si Allan G. Borbor ng Sitio Tinago, Bgy. Aguada Norte nang aksidenteng bumuhos ang malagkit na putik mula sa trak at natabunan ito. Umabot din ng ilang minuto ang ginawang paghukay sa katawan ng biktima dahil sa hirap ng pag-alis sa malagkit na putik na tumabon sa kanya.