20 mag-aaral nalason sa tsokolate

NORTH COTABATO, Philippines - Aabot sa 20 mag-aaral ang dinala sa bahay-pagamutan makaraang kumain ng expired chocolate na binigay ng kanilang kaklase sa Butuan City, Agusan del Norte kahapon. Ayon sa adviser ng Butuan City School of Arts and Trade (BCSAT), tanging chocolates lang ang kinain ng mga biktimang Grade VIII na ibinigay ng kanilang classmate dakong ala-una ng hapon. Gayunman, makalipas ang dalawang oras ay nakaramdam ng pagkahilo, pananakit ng tiyan at pagsusuka ang mga biktima kaya kaagad na dinala sa Butuan Medical Center (BMC). Nabatid na expired na ang nasabing mga chocolates noon pang Disyembre 28, 2014.