74-anyos lola nalunod sa beach
MANILA, Philippines – Patay ang isang bakasyunistang lola makaraang aksidenteng malunod habang naliligo sa isang beach resort sa Brgy. Nonong Castro, Lemery, Batangas kamakalawa.
Kinilala ang biktima na si Julita Elinon, ng Brgy. Magdalo, Imus City, Cavite na nasawi habang nilalapatan ng lunas.
Sa ulat ng Batangas Police, bandang alas-11 ng tanghali nitong Biyernes nang mangyari ang trahedya sa Rosman Beach Resort na matatagpuan sa nasabing lugar.
Ayon sa imbestigasyon, nagtungo ang pamilya ng nasabing lola sa beach resort upang mag-swimming dahil sa sobrang init ng panahon. Kasalukuyan umanong lumalangoy ang matanda nang mapansin ng isang Stephanie Alavada na nakasubsob na sa tubig ang biktima at nang lapitan niya ito ay hindi na gumagalaw.
Nagawa pang maisugod sa Batangas Provincial Hospital ang matanda pero idineklara na itong dead-on- arrival sa pagamutan.
- Latest