Anak ng kandidatong konsehal, itinumba

Cavite, Philippines - Tadtad ng tama ng bala at wala nang buhay nang matagpuan ang isang anak ng kumakandidatong konsehal ng bayan at incumbent barangay chairman sa boundary ng Brgy. H2 at Brgy. Datu Esmael, Dasmariñas, Cavite. Kinilala ang biktima na si Karl Clyte Garcia,  nasa hustong gulang, ng Brgy Zone 1A, Agustina Village, nasabing lunsod at anak ng kandidato sa pagka-konsehal na si Brgy. Captain Ake Garcia.

Sa ulat ni PO3 Elmo Caboboy, alas-11:55 nang itawag sa pulisya ang pagkakadiskubre sa bangkay ng biktima na tadtad ng bala. Pinag-aaralan ng pulisya kung posibleng my kinalaman sa droga ang pagpaslang sa biktima o sa pulitika. Narekober sa pinangyarihan ng krimen ang dalawang fired cartridge cases ng cal 9mm pistol.