3 bayan sa Sorsogon isinailalim sa EWA
LEGAZPI CITY, Albay, Philippines – Inilagay na ng Comelec sa talaan ng election watchlist area ang mga bayan ng Juban, Gubat at Sorsogon City sa Sorsogon kamakalawa dahil sa banta ng kaguluhan kaugnay sa nalalapit na May 9 elections.
Ayon kay PRO5 Information Officer P/Senior Inspector Ma. Luisa Calubaquib, ang pagsasailalim sa wacthlist area ng Juban, Gubat at Sorsogon City ay base na rin sa validation ng Provincial Joint Security Coordinating Council at sa rekomendasyon ng Provincial Director ng Lalawigan.
Ang hakbang ng Comelec ay dahil sa mainit na political rivalry ng magkakalabang pulitiko, lumalakas na presensya ng mga rebelde at ang mga harassement laban sa mga kandidato tulad ng pananakot ng armadong kalalakihan sa grupo ng kumakandidatong gobernador na si Eric Dioneda ng PDP-Laban sa Sorsogon City noong Abril 3.
Pinag-aaralan na rin na isailalim ang mga bayan ng Barcelona at Matnog dahil sa pagpapaputok ng mga armadong grupo kung saan natigil ang political rally ng vice mayoralty bet ng Partidong Liberal.
Samantala, sa bayan ng Matnog ay napatay naman ang kumakandidatong councilor ng UNA.
- Latest