Drug pusher dedo sa shootout

LEGAZPI CITY, Albay, Philippines – Napatay ang 33-anyos na sinasabing sangkot sa pagpapakalat ng bawal na droga matapos itong makipagbarilan sa mga operatiba ng pulisya sa isinagawang buy-bust  operation kamakalawa ng gabi sa Barangay Belen, bayan ng Goa, Camarines Sur. Nakilala ng pulisya ang napatay na si Jack Tripulca ng Refareal Compound sa Lomeda Subd, Barangay San Felipe sa Naga City. Batay sa ulat ng pulisya, nakatunog si Tripulca sa buy-bust operation kaya nakipagbarilan ito sa pulisya hanggang sa mapatay. Narekober kay Tripulca ang cal. 45 pistol, cellphone, dalawang plastic sachet ng shabu, mark money na ginamit sa operasyon, at ilang booklet na buyer ng droga.