Mag-live in tiklo sa shabu

BULACAN, Philippines – Bagsak kalaboso ang isang mag-live-in partner matapos na maaresto ang mga ito sa isinagawang drug buy bust operation ng pulisya sa Brgy. Malipampang,San Ildeponso,Bulacan kamakalawa ng umaga.

Kaagad na sinampahan ng mga kauukulang kaso ang mga suspek na sina Arnel Payumo, 42 at Annie Celiz, 54 kapwa residente ng Brgy. Malipampang sa naturang bayan.

Base sa ulat ni P/Supt. Angel Garcillano dakong alas-7:30 ng umaga ay nagsagawa ng drug bust operation ang pulisya matapos na mabatid na nagbebenta ang mga ito ng droga at ginagawa pang drug den ang kanilang tahanan.

Nasamsam rin mula sa mga suspek ang 13 sachet ng shabu,  drug paraphernalia, isang shotgun, isang cal-38 revolver na baril, mga bala at iba pa.