Kuliglig vs tricycle: 5 grabe

TUGUEGARAO CITY, Philippines — Lima katao ang nasa kritikal na kondisyon matapos magbanggaan ang kanilang sinasakyang tricycle at kuliglig trailer tractor na minamaneho ng kapwa lango sa alak sa Brgy. Takiki, Gattaran, Cagayan kama­kalawa. Kinilala ni PO1 Arphie Tuliao ang mga biktima na sina Gerald Timbas, 28, driver ng tricycle at ang kanyang mga pasaherong sina Rowel Gregorio, 25; at Jerome Barrientos, 22. Sugatan din sina Jerry Palmo, 47, na operator ng Kuliglig at sakay na si Gilbert Sanidad, 47. Lumalabas sa imbestigasyon na uma­gaw ng linya ang rumaragasang tricycle ni Timbas bunga ng kalasingan nito at tinumbok ang kasalubong na trailer tractor. Ayon pa sa pulisya, mayroong reflector ang kuliglig subali’t walang ilaw ang pagiwang-giwang na tricycle ni Timbas nang maganap ang salpukan.