2 dedo sa tarak
LEGAZPI CITY, ALBAY , Philippines -- Dalawang mister ang nasawi matapos na ang mga ito ay pagsasaksakin ng murahin ng mga ito ang ina ng isa sa mga suspek ng magkaroon ng mainitang pagtatalo ang mga ito sa T-Perez St., Brgy. Market Site, Daraga, Albay, kahapon ng madaling araw.
Nakilala ang mga biktima na sina Melvin Magalona, 37, at Zaldy Bernisca 38.
Samantala ang mga suspek naman na kaagad na nagsitakas ay kinilalang sina Gerald Toledo, alyas Boboy, 22, at Raymond Pacifico, 31.
Batay sa ulat ng pulisya ang insidente ay naganap dakong alas- 4:10 ng madaling araw ng magkaroon ng mainitang pagtatalo ang mga biktima at mga suspect.
Umawat naman ang ina ng isa sa mga suspect na sinasabing pinagmumura naman ng mga biktima.
Dito na nagbunot ng patalim ang mga suspect at pinagsasaksak ang dalawang biktima saka nagsitakas.
Sa kasalukuyan masusing imbestigasyon pa ang isinasagawa ng mga awtoridad ukol dito.
- Latest
