Sanggol, kasambahay todas sa akyat-bahay
CAMP VICENTE LIM, Laguna, Philippines - - Napatay ang walong buwang gulang na sanggol at kasambahay samantalang sugatan naman ang ina nito matapos pasukin ng mga magnanakaw na tinaguriang Akyat-Bahay Gang sa Calamba City, Laguna kahapon ng madaÂling araw.
Kinilala ni P/Supt. Marvin Joe C. Saro, hepe ng Calamba City PNP ang mga napaslang na sina Mark Daniel Zindia, 8-buwang gulang at Teresita Beth Torres na kapwa nakatira sa San Agustin Village sa Barangay Lawa sa nasabing lungsod.
Sugatan naman ang ina ng sanggol na si Cecilia Zindia matapos magtamo ng mga saksak sa katawan.
Ayon sa police report, pasado alas-12 ng madaÂling araw nang pasukin ng grupo ng kawatan ang bahay ng mga biktima kung saan pinagsasaksak si Cecilia.
Para makaligtas, nagkunwaring patay umano si Cecilia hanggang sa iwanan na siya ng grupo.
Makaraan ng isang oras, nagtatakbo na papalabas ng bahay si Cecilia para humingi ng tulong sa kanyang mga kapitbahay.
Nang bumalik sila sa loob ng bahay, doon nila natagpuan ang bangkay ng kanyang anak at kasambahay na pawang may mga saksak sa katawan.
Isinugod naman sa Calamba Doctors Hospital si Cecilia habang kinilala naman nito ang isa sa mga suspek na 17-anyos pero itinanggi nito ang krimen.
- Latest
