Mayorya ng mga taga-Mindanao pabor sa martial law extension
MANILA, Philippines — Inihayag ni Presidential Communication Office Secretary Martin Andanar na walang dudang pumapabor ang mayorya ng mga taga-Mindanao sa pagpapalawig ng batas militar sa rehiyon at hinihintay ng Malacanang ang go signal mula sa dalawang Kapulungan ng Kongreso.
Ayon kay Andanar na isang Mindanaoan, marami na siyang nakausap sa Cagayan De Oro, Iligan, Cotabato pati na sa Marawi maging sa Zamboanga tungkol sa isyu at marami aniya sa mga ito ay walang pag-aalinlangang gusto ang martial law sa Mindanao.
Iisa aniya ang kanyang narinig na dahilan mula sa kanyang mga nakausap at ito ay ang pagnanais ng “katiwasayan” sa rehiyon.
Muling binigyang diin ni Andanar na ang nais talaga ng Pangulong Rodrigo Duterte ay ang matiyak na hindi mapapabayaan ang mga taga Mindanao at maibabalik sa normal ang pamumuhay ng mga taga-roon.
- Latest