Operasyon ng MRT tuloy
MANILA, Philippines — Inihayag kahapon ng Department of Transportation (DOTr) na magpapatuloy ang biyahe ng MRT-3 sa kabila ng mga pag-aalinlangan kung ito ay ligtas pang sakyan sa kabila ng kahilingan at pagkuwestiyon ni Sen. Grace Poe sa kaligtasan ng mananakay ng MRT-3 na kung kinakailangan isara muna ito para ayusin.
Ayon kay Transportation Assistant Sec. Elvira Medina na kanilang pinag-aaralan ang mga problema ng MRT at ipapasa ang rekomendasyon kay DOTr Undersecretary Cesar Chavez sa loob ng 1 hanggang 2 linggo at patuloy ang operasyon ng MRT habang kinukumpleto nila ang pag-aaral.
Matatandaang halos araw-araw na nagkakaroon ng aberya ang mga tren ng MRT-3, kung saan ang pinakahuli ay ang pagkalas ng hulihang bagon ng isang bumibiyaheng tren sa may Ayala Station, ngunit masuwerte namang walang nasaktan kaya’t napilitan ang mahigit sandaan na pasahero na bumaba at maglakad sa gitna ng riles.
Hihigpitan din ng DOTr ang implementing policies sa yellow lanes simula bukas dahil sa inaasahang paglala ng trapiko habang palapit nang palapit ang Kapaskuhan.
- Latest
