HK trip sa mga sundalong babae tuloy
MANILA, Philippines — Tuloy ang pangako ni Pangulong Rodrigo Duterte na Hong Kong trip para sa mga sundalong babae na nakipagbakbakan sa Maute-ISIS group sa Marawi City.
Ito ang inihayag kahapon ni Presidential Communications Sec. Martin Andanar at sagot ng Cebu Pacific ang eroplanong sasakyan ng mga babaeng sundalo patungong Hong Kong sa kanilang pagbabakasyon habang sagot naman ni Pangulong Duterte ang pocket money at hotel accommodations ng mga ito.
“So iyong eroplano, sagot ng Cebu Pacific. Iyong hotel at saka allowance, sagot ni Presidente. Tapos iyong mga lalake, iba iyong pangako sa kanila,” paliwanag pa ni Andanar.
Kasama si Andanar ni Pangulong Duterte nang magtungo kamakalawa sa Marawi City kung saan ay idineklara ng chief executive na ‘liberated from terrorists’ ang lungsod matapos mapatay ng mga sundalo sina Isnilon Hapilon at Omar Maute.
- Latest
