Bodyguard inutas ng kabaro
MANILA, Philippines — Isang bodyguard ang nasawi nang ito ay barilin ng kanyang kabaro matapos na magtalo sa kanilang trabaho naganap kamakalawa ng gabi sa Brgy. Fortune, Marikina City.
Ang nasawi ay kinilalang si Randy Santos, nasa hustong gulang, at residente ng Tambakan Pagray, Antipolo City habang tumakas ang suspek na si Jay Jalapadan, nasa hustong gulang, ng PSS Lacolina Santan St.,Barangay Fortune ng lungsod.
Sa inisyal na ulat ng Marikina City Police, bago nangyari ang krimen dakong alas-8:10 ng gabi sa Ecoville St. sa naturang barangay ay nagkaroon ng pagtatalo ang biktima at suspek hinggil sa kanilang trabaho bilang VIP security escort na nauwi sa pamamaril.
Nabatid na madalas umanong magkaroon ng hindi pagkakaunawaan ang dalawa sa kanilang trabaho na nauwi sa pamamaril.
- Latest