Honeylet inimbitahan ni US First Lady Melania Trump
MANILA, Philippines — Nasa Estados Unidos ngayon ang common law wife ni Pangulong Rodrigo Duterte na si Honeylet Avanceña matapos na siya ay inimbitahan ni First Lady Melania Trump.
“Madame Cielito Avanceña is on a personal trip to NY to attend an event upon the invitation of First Lady of The US, Madame Melania Trump,” wika ni Presidential Spokesperson Ernesto Abella.
Subalit, hindi nito binanggit kung anong okasyon ang dinaluhan ni Avanceña matapos imbitahan ni Trump.
Nilinaw naman ni Foreign Affairs spokesman Robespierre Bolivar na hindi kasama sa delegasyon ng UN General Assembly (UNGA) si Avanceña at ito ay nasa New York dahil sa inimbitahan sa pagtitipon na may kaugnayan sa adbokasiya nito.
“Nagsalita si Mrs. Trump kamakalawa sa UNGA luncheon tungkol sa pagprotekta sa mga bata na isa sa advocacy ni Avanceña. Naroroon din ang ibang spouses ng mga lider ng iba’t ibang bansa.
Bagama’t hindi opisyal na First Lady ng bansa si Avanceña ay ginagampanan niya ito bilang common-law-wife ni Duterte.
- Latest
