2 drug pusher dedo sa buy bust
MANILA, Philippines — Napatay ng mga otoridad ang dalawang pinaghihinalaang notoryus na drug pusher nang mauwi sa shootout ang buy bust operation kamakalawa ng gabi sa Brgy. San Isidro, Cabanatuan City, Nueva Ecija.
Ang mga nasawing suspek ay kinilalang sina Nepomuceno Esguerra, 53 at Alfredo Martinez Jr., 32.
Batay sa ulat, bago nangyari ang shootout ay nagsagawa ng buy bust operation ang mga pulis sa Briones Subdivision, Brgy. San Isidro ng lungsod at habang isinasagawa ang transaksyon ay nakatunog umano ang mga suspek na agad bumunot ng baril at pinaputukan ang mga operatiba.
Gumanti ng putok ang mga otoridad at napatay ang dalawang suspek na umano’y kapwa nasa drug watch list.
Narekober sa crime scene ang isang pistol at limang sachet ng shabu.
- Latest