Informer ng militar nilikida ng NPA rebels

MANILA, Philippines - Isa umanong informer ng militar na kinilalang si Bebing Lumayno ang pinagbabaril hanggang sa mapatay ng hindi pa nakikilalang mga kala­lakihan na umano ay NPA re­bels kamakalawa sa Brgy. Minapasuk, Calatrava, Negros Occidental.

Batay sa ulat, bandang alas-6:50 ng umaga ay bigla na lamang sumulpot sa lugar ang mga armadong kalalakihan at agad na pinagbabaril ang biktima.

Nagresponde ang mga tauhan ni Army’s 62nd Infantry Battalion (IB) Commander Lt. Col. Darell Bañez na nakapalitan pa ng putok ang mga  rebelde  habang tumatakas.

Narekober naman sa lugar ang isang M16 rifle, isang cal. 38 revolver at mga subersibong dokumento.