Baha sa Bulacan: 1,559 katao inilikas
MANILA, Philippines – Inilikas ang nasa 356 pamilya o kabuuang 1, 559 katao matapos ang pagbaha sanhi ng malalakas na buhos ng ulan na dulot ng habagat na pinatindi pa ng bagyong Helen sa lalawigan ng Bulacan kahapon.
Sa bayan ng Marilao ay nasa 200 pamilya o katumbas na 800 katao ang naapektuhan ng pagbaha sa isang barangay; nasa 77 pamilya naman o 364 katao ang naapektuhan sa Meycauayan City.
Sa Sta. Maria, Bulacan aabot naman sa 79 pamilya o nasa 395 katao ang naapektuhan ng pagbaha sa dalawang barangay sa nasabing bayan.
Nagbunsod rin sa pagkaka-stranded ng mga pasahero mula sa SM Marilao sa Meycauayan at maging sa bahagi ng Bocaue matapos na limitado ang bumiyaheng behikulo sanhi ng tubig baha sa mga apektadong lugar.
Sinabi ni Romina Marasigan, spokesman ng National Disaster Risk Reduction and Management Council (NDRRMC) na ang mga inilikas na mamamayan na naapektuhan ng mga pagbaha ay kasalukuyang kinakanlong sa mga evacuation centers sa lalawigan.
- Latest