Lasquety coach sa D-League

MANILA, Philippines — Makaraang ma­ging ka­u­na-unahang pla­ying assistant coach sa NCAA history ay ma­gi­ging pinakabatang head coach naman sa PBA-Developmental League si Gio Nicolo Las­quety.

Kasunod ng pagta­talaga ng kanyang head coach na si Vergel Me­neses bilang isa sa kanyang deputy sa Jose Ri­zal University Heavy Bombers sa nakaraang NCAA Season 93 men's basketball tournament,  nakatakdang umupo si Las­quety bilang head coach ng JRU sa dara­ting na 2018 PBA D-League Aspirant’s Cup sa Enero 18.

“Si Gio ang magko-coach sa JRU sa D-League,” ani Meneses.

Sa timbre ng kanyang  pananalita ay  ki­tang-kita kay Meneses ang malaking tiwala sa ka­kayahan ng dating Hea­vy Bombers guard na nagtapos ang playing years sa NCAA  nga­yong taon.

“Marunong siya at na­ki­kita niya kung ano ang dapat gawin. Kaya niyang basahin at guma­wa ng play sa isang sitwasyon,” ani Meneses.

Dahil sa  nakikitang po­tensyal sa 23-anyos na si Lasquety, hangad ni Meneses na masanay itong mabuti. (FML)