Makuha na kaya ng Blaze Spikers?
Chooks to Go -PSL grand prix
MANILA, Philippines — Tatangkaing tapusin ng Petron ang duwelo nila ng F2 Logistics ngayong gabi sa Game Two ng Chooks to Go-Philippine Superliga (PSL) Grand Prix best-of-three finals series sa Filoil Flying V Centre sa San Juan City.
Nais nang makatiyak ng Blaze Spikers kaysa malagay pa sa alanganin ang kanilang tsansang magkampeon kung matatalo pa sila ng Cargo Movers sa pagtutuos nila ngayong ika-7:00 ng gabi.
Isang kumpiyansang Blaze Spikers squad ang nagdomina sa Cargo Movers noong Game One, 25-14, 25-21, 25-16.
Halos ‘di magawang masabayan ng Cargo Movers ang ipinakitang performances nina Blaze Spikers American imports Lindsay Stalzer at Hillary Hurley, partikular ang kanilang mga attacks at services.
Tumapos sina Stalzer at Hurley na kapwa may tig--20 puntos para pamunuan ang panalo nila noong Game One.
Nag-iisang tumapos na may double digit para sa Cargo Movers si Venezuelan Maria Jose Perez na nagtala ng 15-puntos habang ‘di naramdaman ang presensya nina American Kennedy Bryan, Kianna Dy, Majoy Baron at Aby Maraño.
Ngunit sa kabila ng impresibong performance ng kanyang koponan, hindi pa rin kampante si Petron head coach Shaq Delos Santos sa posibilidad na pagbalikwas ng Cargo Movers.
“F2 Logistics is such a tough team to deal with. I’m sure they will make a comeback,” ani Delos Santos. “We have to prepare hard and double our effort. Our good performance in Game 1 will be worthless if we won’t be prepared for Game 2. We have to maintain our good form from start to finish.”
“We failed our test in Game 1. Now, we have to go back to the drawing board to pass Game 2 and stay alive,” wika naman ni F2 Logistics coach Ramil De Jesus. “All I told them was that we need to bounce back and to give their 100 percent in Game 2. That’s it. We have to give our 100 percent for our next game.” FML
- Latest
