Cocolife nakaiwas sa kapahamakan

MANILA, Philippines — Nakaiwas sa kapahamakan ang Cocolife matapos maisalba ang 25-23, 25-15, 26-24 panalo kontra sa mapanganib na Iriga City kagabi sa Chooks to Go-Philippine Superliga (PSL) Grand Prix sa Filoil Flying V Centre sa San Juan City.

Nagdeliber sina Imports Taylor Milton at Tai Manu-Olevao ng crucial hits upang malampasan ng Asset Managers ang pagbangon ng Lady Oragons tungo sa panalo sa prestihiyosong club league na sponsored ng Mikasa, Grand Sport, Senoh, Mueller, Rebisco, Island Rose, Cloudfone at UCPB Gen.

Dahil sa panalo, pormal na pumasok ang Cocolife sa top four sa likod ng wala pang talong F2 Logistics, Petron (5-1) at Foton (4-1) papasok sa crucial stretch ng single-round eliminations ng torneong suportado rin ng Gerflor at Gold’s Gym bilang technical partners at ESPN5 bilang official broadcast partner.

Gayunpaman ay may tsansa pa rin ang Cargo Movers na makalayo sa Blaze Spikers at Tornadoes dahil kasalukuyan pa nilang nilalabanan ang Generika-Ayala as of press time.

Nagdeliber si Milton ng19 kills sa kanyang tinapos na 20 points habang si Manu-Olevao ay may 16 kills, two blocks at ace para sa 19 points para sa Asset Managers na nakaligtas sa paghahabol ng palabang Lady Oragons.

“You can’t just simply relax against Iriga City,” sabi ni Cocolife coach Kungfu Reyes, ang coach ng makasaysayang panalo ng RC Cola-Army laban sa junior national team ng volleyball powerhouse na Thailand sa Invitational Conference noong nakaraang taon.

“Had they won that third set, they would definitely stretch the match to five sets. And that’s what we don’t want to happen. They may be new in this league, but you can’t take them for granted.”

Matapos makuha ang unang dalawang sets, lumamang pa ang Asset Managers sa third, 18-11 ngunit sa tulong nina Japanese Saam Miyagawa at Serbian Tamara Kmezic kasabay ng kanilang steady reception, nakabangon ang Lady Oragons para makatabla sa 20-all na naglagay sa Asset Ma-nagers sa alanganin.