Gilas mapapalaban sa mabibilis na Japanese

MANILA, Philippines — Sa pagsagupa sa Gilas Pilipinas sa FIBA Basketball World Cup 2019 Asian Qualifiers ay sasandig ang Japan sa kanilang bilis.

Ito ang sinabi ni Ja-panese star point guard Yuki Togashi sa pana-yam ng fiba.com sa pagsagupa nila sa Gilas sa Nobyembre 24 sa Ko-mazawa Gymnasium sa Tokyo.

“I think speed will be important, especially in our first game against the Phi-lippines which is a great offensive team,” wika ni Togashi sa Gilas Pilipinas ni coach Chot Reyes.

Partikular na tinukoy ng Japanese playmaker ang husay sa mga one-one plays ng Gilas.

“The Philippines are very strong with their one-on-one plays. It’s as if they are playing street ball,” sabi ni Togashi kina Terrence Romeo, Jayson Castro at four-time PBA Most Valuable Player June Mar Fajardo.

Matapos ang Japan ay lalabanan ng Gilas Pilipinas ang Chinese-Taipei sa Nobyembre 27 sa Smart Araneta Coliseum at ang Australia sa Pebrero 22 ng 2018 sa Australia.

Muling makakasagupa ng Nationals ang Japanese sa Pebrero 25, ang Taiwanese sa Hun-yo 29 at ang Aussies sa Hulyo 2 ng 2018.

Nasa Group B ang Pilipinas sa ‘home-and-away’ series ng Asian World Cup qualifiers kasama ang Japan, Chinese-Taipei at Australia, habang nasa Group D naman ang Iran, Kazakhstan, Qatar at Iraq.

Ang Top Three sa nasabing dalawang grupo ang maglalaban sa susunod na yugto ng torneo.

Ang mapapabilang sa Top Seven mula sa 16 teams sa qualifying event ang makakakuha ng tiket para sa 2019 World Cup sa China. RCadayona