Garnett tinapos ang 21-year career
LOS ANGELES - Nagdesisyon na si Minnesota Timberwolves forward Kevin Garnett na tapusin ang kanyang NBA career matapos ang 21 seasons.
Ito ay matapos magposte si Garnett ng isang video sa Instagram at nagsabing “farewell” at “thank you” sa mga fans na sumuporta sa kanya sapul noong 1995.
Kamakalawa ay napa-ulat na nagkasundo na si Garnett at ang Timberwolves para sa buyout ng kanyang $8 million contract para sa darating na season.
Aalis ang 40-anyos na cager bilang most productive player sa kasaysayan ng Timberwolves kung saan niya ibinuhos ang 13 1/2 ng kanyang 21 seasons.
“I’m just thankful. I can’t even put that into words,” sabi ni Garnett sa video na nagpakita sa kanya sa Target Center arena ng Minnesota.
“I’m just thankful. I’m just thankful for every-body and the love. I never would have thought that people love me like this,” dagdag pa niya sa video na natapos na may naka-sulat na “Farewell” at “Thank you for the journey” sa screen.
Hinugot si Garnett mula sa high school no-ong 1995 at naging isa sa mga top power forwards sa league history at natulungan ang Timberwolves na maging playoff conten-ders.
Siya ang unang player sa dalawang dekada na naglaro sa NBA mula sa high school kasunod sina Kobe Bryant, LeBron James at Tracy McGrady.
Nauna nang nagretiro sina Bryant ng Los Angeles Lakers at Tim Duncan ng San Antonio Spurs.
Pumuwesto ang 15-time All-Star sa No. 17 sa kanyang 26,071 career points, No. 9 sa career rebounds sa hinakot na 14,662 at No. 17 sa blocked shots sa itinalang 2,037.
Hinirang siyang Most Valuable Player ng NBA noong 2004.
Si Garnett lamang ang isa sa limang players na nagtala ng 50,000 NBA game minutes.
Dinala ng Timberwolves sa Boston Celtics noong 2007, tinulungan ni Garnett ang Celtics sa pag-angkin sa NBA crown noong 2008 kung saan siya hinirang bilang Defensive Player of the Year.
Bumalik siya sa Minnesota noong Pebrero ng 2015 at naglista ng mga averages na 3.2 points at 3.9 rebounds sa 38 games sa nakaraang season.
Sa Timberwolves ay nagsilbi siyang mentor ni rising star Karl-Anthony Towns.
“It has been a real joy to watch KG come into the league as a young man and watch him develop his skills to become one of the very best in the NBA,” sabi ni Timberwolves owner Glen Taylor sa 6-foot-11 na si Garnett.
- Latest
