Alternatibo sa mud room
Nauuso ang tinatawag na mud room sa mga bahay. Ito ‘yung parte ng bahay kung saan pagkapasok mo ay nililinisan muna ang mga sapatos para hindi marumihan ang mismong loob ng bahay. Ginagawa rin itong storage area ng ilan kung saan inilalagay ang mga sapatos, kapote, payong, bag, at iba pang pang-araw-araw na gamit.
Kung wala kayong mud room at wala rin namang budget para sa major renovation, may pamalit o alternatibo para sa mud room. Kung may entrance kayo ng bahay na may espasyo pa, maaaring maglagay ng cabihole para malagyan ng mga tsinelas o sapatos.
Kung may bakanteng dingding din naman, maaari itong lagyan ng hook para masabitan ng mga coat o jacket kapag umuulan. Lagyan lang ng magandang kulay o disenyo ang mga ito.
Ito po ang inyong Kumpunerong Kuya na nagsasabing, kung gusto ay maraming paraan!
- Latest
