Pagpapalambot ng Butter na Hindi Natutunaw
Burp Tips
Minsan sa pagluluto ay hindi maiiwasang magmadali lalo na kung may biglaang handaan.
Hindi maiiwasang makaligtaan ang mga bagay sa pagluluto lalo na nga kung nagmamadali ka.
Isa sa kadalasang nalilimutan ay ang paglabas ng butter para lumambot at magamit sa lutuin o pagbi-bake.
Nakatengga na ang iluluto at ibang ingredients, at kulang na lang ay ang butter pero nakalimutan ngang ilabas ito para palambutin.
Kung nangyari na ito sa inyo, puwes may tip kami para sa susunod eh hindi na kayo maghintay pa at masayangan ng oras.
Ang kailangan lang gawin ay kumuha ng baso na kakasya ang butter na palalambutin, lagyan ito ng mainit na tubig iwan ng ilang segundo para uminit.
Itapon ang tubig at itayo ito pabaliktad habang nasa loob ang butter. Mas madali nang lalambot ang butter nang hindi rin matutunaw.
Burp!
Para sa mga suhestiyon tungkol sa pagkain at pagluluto, o kung mayroon kayong recipe na gustong ibahagi, maaaring mag-email sa [email protected]
- Latest