Anak Nahuling Nangupit
Dear Vanezza,
Nahuli kong nangungupit ang anak kong 10 years old na lalaki sa pitaka ko na pangkumputer daw niya. Humingi naman siya ng sorry sa akin na ang pangako ay hindi na mauulit. Nakikiusap ang anak ko na huwag ko raw sabihin sa tatay niya ang nangyari. Tumahimik lamang ako at nag-iisip kung anong dapat gawin dahil grabe kung mambugbog ang mister ko. Ano ba ang gagawin ko? – Nanay Nina
Dear Nina,
Dapat ipaalam mo sa iyong mister ang nangyari, pero dapat unahan mo na si mister na huwag siyang mamalo nang sobra. Upang mapangaralan niya ang anak at nang magtanda na hindi na niya ito uulitin. Puwedeng paluin ang anak pero hindi dapat parusahan, kundi itama lang ang kanyang masamang ginawa.
Sumasainyo,
Vanezza
- Latest