Tukso sa Paningin

Kung halos taon na ang ginugugol sa pagkakaroon ng unhealthy behavior na gustong baguhin ang nakasanayang bad habits, huwag sumuko.

Kailangan lang ng technique para maputol ang masasamang bisyo. Tingnan kung ano ang nag-uudyok sa bad habit behavior na dapat malaman kung sino, saan, at kailan ito nangyayari. Kapag nalaman kung ano ang nagti-trigger, maging alisto agad para magkaroon ng positibong pag-atake sa problema. Isang paraan ay linisin ang bahay kung gustong tumigil na sa pag-iinom o paninigarilyo. Alisin sa lahat ng sulok ng bahay ang sigarilyo, alcohol, at maging ang junk food sa loob ng refrigerator kung ito ang gustong iwasan.

Kung gusto nang magbagong buhay na ang goal ay maging healthy, alisin ang lahat ng tukso sa  paningin na makakaudyok ng iyong kahinaan. Sa halip ay palitan ito ng lemon water, non sugar carbonated, candy, chewing gum, prutas, o gulay.

Hindi naman agad-agad magaganap ang pagbabago, pero unti-untiin lang itong alisin, para hindi mabibigla ang katawan o maglalaway sa nakagawian.