Wild rabbit nailigtas sa sunog sa gubat
Pitong araw na ang malakihang sunog sa Southern California sa America kung saan 200,000 tao na ang agad na inilikas. Maraming bahay ang nasunog maging mga paaralan.
Sa gitna ng kalbaryo, nahagip ng video ang isang lalaki na imbes na unahin ang sarili para lumikas, ay minabuti pang iligtas ang isang wild rabbit.
Kitang-kita sa nasabing video ang kadakilaan ng lalaki kung saan ginagaya niya ang galaw ng rabbit at ineengganyo itong lumapit sa kanya.
Sa una ay natatakot ang rabbit sa kanya pero nang nakita ng lalaki na halos masama na ito sa sunog ay itinodo na niya ang effort para makuha ng ligtas ang rabbit.
Mabilis naman siyang nakapalagayan ng loob ng nasabing kuneho at sumama sa kanya.
Dahil sa kanyang kadakilaan, marami ang may gustong mang-interview sa lalaki pero magalang na tinanggihan niya ito at mas gusto na lang maging anonymous.
- Latest