Resume sa Ireland, UK, at U.S. Bawal ang Picture at Personal Data
Pabonggahan ang paggawa ng resume sa atin at marami pa ang naglalagay ng disenyo para lang mapansin. May iba naman na todo postura at make-up sa mga picture na inilalagay sa resume. Ang iba naman ay sa mga connection idinadaan ang pampabango ng kanilang CV. ‘Yan ang mga nakasanayan dito sa Pilipinas pero hindi lahat ng bansa ay ganito ang pananaw sa paggawa ng resume.
Kung mag-a-apply ka ng trabaho sa Ireland, United Kingdom, at United States of America iba ang kaso rito. Pinananatili nila ang pagiging pantay-pantay sa pagpili ng mga aplikante para sa kanilang kumpanya. Hindi ipinalalagay ang kaarawan, edad, kasarian, marital status, at maging larawan. Sa ganitong paraan mas nakapokus ang mga kumpanya sa karanasan at galing ng isang aplikante.
Tama nga naman na ganito dapat ang pagpili ng mga aplikante, patas dapat walang tinitingnan sa panlabas na hitsura, edad, kasarian, at marital status.
- Latest