Key Holder Gawa sa Lumang Picture Frame
Minsan may mga picture frame tayong naiiwan lalo na kung ang salamin o kaya’y artwork na nakalagay dito ay nasira na.
Marami pang paggagamitan ng frames lalo na kung may disenyo ito. Ang maliliit na picture frames naman ay ‘wag din itapon dahil maaari itong gawing key holder. Kailangan lang ng hooks at presto maaari na itong magamit uli bilang key holder naman.
Linisin lang ang picture frame na ang ideal ay ‘yung maliliit lang na kakasya ang 5R na litrato. Maglagay lang ng hooks sa isang side nito sa loob. Tantyahin kung ilang hooks ang magkakasya para hindi magdikit-dikit ang mga susi kapag inilagay na. Maaari na itong ikabit sa dingding malapit sa pintuan para may madaling access sa mga susi ng bahay.
Ito po ang inyong Kumpunerong Kuya na nagsasabing, kung gusto maraming paraan!
- Latest