Dwarf Buffalo Natagpuan sa ‘Pinas

May ilang kakaibang hayop na minsang namuhay sa Pilipinas bago sila tuluyang naglaho sa mundo.

Sa ilang pag-aaral, sinasabing minsang naglakad sa lupain ng Pilipinas ang Philippine Rhinoceros, ang Stegodon, o malaking elepante na may mahabang ‘pangil’ o tusk, at ang maliit na Cebu Dwarf Buffalo na mahigit dalawang talampakan lang ang taas.

Ang nakitang mga fossil o bahagi ng kanilang katawan ang katibayan na minsang nabuhay sa Pilipinas ang mga nabanggit na hayop.

Ang Stegodon ay sinasabing naglagi noon sa lalawigan ng Kalinga sa Northern Luzon may 10 milyon taon na ang nakalilipas matapos makita rito ang molar fossil ng nasabing dambuhalang hayop noong 1973.

Samantala, 1.8 milyon taon na ang nakalilipas ay mayroon palang gumagalang mga Philippine rhinoceros sa Maynila.

Ang dwarf buffalo naman na makikita sa Cebu noong tinatayang 10,000 hanggang 100,000.  

Pinaniniwalaang naging extinct o tuluyan silang naglaho sa lupa ay dahil  sa pagkawala ng kanilang tirahan, pagbabago sa lagay ng kanilang kapaligiran, at kawalan ng makakain.