Nag-suicide na Nobya

Dear Vanezza,

Ikakasal na sana kami ng nobya ko dahil nabuntis ko siya. Pero aksidenteng pumunta ako sa apartment ng GF ko habang wala siya. Pero nakita ko sa loob ng comfort room niya na may napkin at dugo sa toilet. Nakalimutan niyang i-plush ang toilet. Nagpunta ako sa drug store  at bumili ng pregnancy test. Nag-request ako na gamitin niya para ipakita sa akin kung positive siya. Pero nag-iiyak lang ito at napatunayan kong hindi totoong buntis siya. Iniwan ko siya. Uminom siya ng anim na sleeping pills para mag-suicide. Nagmamakaawang ‘wag ko siyang iwan. Anong gagawin ko? – Roque

Dear Roque,

Anim na pills hindi yun nakakamatay, ibig sabihin ay gusto ka lang niyang balikan mo siya. Kausapin mo siya at bigyan ng closure ang inyong relasyon para matigil na siya sa kanyang panloloko sa iyo. Buti at hindi pa kayo naikasal, or else ay naitali ka niya habang buhay.

Sumasainyo,

Vanezza