Budget ng Anak

Ang isa sa pagkakamali ng magulang ay mabilis na nagbibigay ng pera sa kanilang anak.

Ayon sa expert, ang mabisang paraan ng pagtuturo sa anak patungkol sa pera ay pag-aabot ng allowance. Hindi lang para masanay sa paghahawak o usapin tungkol  sa pera ang bata, sa halip ay naituturo rito kung paano sila gumastos at mag-save.

Minsan obsessed ang magulang na magbigay ng pera sa pangambang magkulang ang  pera ng bata. Pero kung may sapat na allowance ang anak, hayaan siyang gumastos ayon sa kanyang hawak na pera lamang.

Kapag nagkulang ang pera ng bata na wala sa budget, hayaan itong matutong magtiis o makuntento kahit ubos na ang kanyang pera. Huwag padadala sa awa, dahil wise ang anak na umaarte lamang para lang mabigyan uli ng pera.

Alam ng bata kung paano paikutin o lambingin ang mga nanay o tatay para lang  maabutan ng pera. Kapag nagpadala sa pang-uuto ng anak, ay hindi rin ito natuturuan kung paano mag-budget ng kanyang pera.