Broner kinukonsiderang ilaban kay Pacquiao?

MANILA, Philippines - Muling lumitaw ang pangalan ni American multiple-division titlist Adrien Broner sa mga ikinukonsiderang labanan ni Filipino word eight-division champion Manny Pacquiao ngayong taon.

Sa ilang panayam ay sinabi ni Bob Arum ng Top Rank Promotions na maaaring sagupain ni Pacquiao (59-6-2, 38 KOs) si Broner (32-2, 24 KOs) sakaling manalo kay Australian challenger Jeff Horn (16-0-1, 11 KOs) sa Abril.

Ngunit ayon kay Broner, hindi pa rin magbabago ang paghingi niya ng mataas na prem-yo para sagupain si Pacquiao.

“So let’s say mine’s a little higher now, because I know you need me. Or we could just stay where mine was, and make the fight happen,” wika ni Broner sa panayam ng BoxingScene.com.

“But Arum knows he’s gotta eat his words and come back around and make this fight happen. Or just keep having duds and keep losing money,” dagdag pa nito.

Unang nabanggit ang pangalan ni Broner nang maghanap ng makakalaban si Pacquiao makaraang biguin si Timothy Bradley, Jr. sa kanilang ikatlong pagtutuos noong Abril.

Subalit hindi nagustuhan ni Arum ang hinihinging premyo ni Broner.

Kung gustong laba-nan ni Broner si Pacquiao ay dapat muna niyang talunin si Adrian Granados (18-4-2, 12 KOs) sa Pebrero 18 sa Cincinnati.

Ayon sa American world four-division titlist, kailangan siya ni Pacquiao para makakuha ng malaking premyo at maibangon ang lumalaylay nitong pay-per-view performance.

“Most definitely, he needs me,” wika ni Broner kay Pacquiao. “What did his last numbers do? Well, I know. But it’s not for me to tell. What did he get paid for his last fight? Hello! But I’m not here to talk about anybody’s purse or their buys. I just know the status of me and a fight with Pacquiao.”

“I know what it’d do. It’d do crazy numbers. And, you know, I’m a helluva self-promoter. I’m gonna talk,” dagdag pa nito.

Nauna nang humingi si Pacquiao kay Arum ng guaranteed purse na $20 milyon para labanan si unified light welterweight king Terence Crawford (30-0-0, 21 KOs).

Ngunit pinili ni Arum si Australian Jeff Horn para itapat kay Pacquiao.