Hindi tunay na BFF ng buhay
Dear Vanezza,
Sinabihan ako ng nagmamalasakit sa akin na kaopisina na ang mga itinuturing kong BFF ay hindi ko totoong mga kaibigan. Payo niya sa akin na layuan ang mga ito dahil talikuran daw akong nilalait, tsinitsismis, na talagang walang tiwala sa aking kakayahan dahil pareho kami ng trabaho sa isang call center. Mula noon ay hindi na ako sumasama sa kanila. Ayoko ko ng gulo at ayaw kong mapahamak ang nagmalasakit na staff sa akin, pero pinalalabas ng BFF ko na ako ang masama. Napatunayan ko na magaling lang sila kapag may kailangan. Kaya binura ko na po sila sa listahan ng buhay ko. - Ghie
Dear Ghie,
Kung napatunayan mong hindi sila tunay na kaibigan, tama lang na huwag mo silang bigyan ng puwang sa iyong buhay. Maging civil lang, pero huwag na silang maging bahagi ng circle of friends mo kung toxic din ang inaakalang BFF. Hindi kailangan pumasok sa gulo. Ang mahalaga ay ituloy ang buhay at magpokus sa iyong trabaho. Marami ka pang makikitang friends na totoo at hindi ka sasaksakin ng talikuran.
Sumasainyo,
Vanezza
- Latest