Bilmokong nobyo

Dear Vanezza,

Baklang-bakla ang peg ko sa nobyo ko. Minsan nag-inom kami so lasing ang beauty ko. Nagkataon may flight kami papuntang Boracay kinabukasan. Hindi raw ako magising kaya iniwan niya ako. Samantalang credit card ko ang ginamit niya sa payment kasama ang nanay niya. So nagpa-reset pa ko ng schedule dahil naiwan ang beauty ko. Pagdating ko sa resort imagine credit card ko pa rin ang gamit sa lahat ng ginastos sa pagpasyal namin kasama ang nanay niya. Marami pang eksena na ako ang gumagastos na talagang bakla ang role ko sa kanya dahil bulag ako sa kanyang pagmamahal. Pero ubos naman ang savings ko. Gumawa talaga ako ng paraan para makipaghiwalay sa kanya. So buti na lang maaga akong natauhan. – Sunshine

Dear Sunshine,

Mabuti na nakawala ka sa BF mo na nanggagatas sa iyo. Paano pa kung siya ang napangasawa mo? Ikaw pa ang gagawin niyang provider kasama pa ang kanyang pamilya. Next time ay kilalanin mo muna ang lalaking magiging nobyo mo. Ikaw ang gagastusan o puwede naman share huwag lang iaasa sa iyo lahat. Pumili ng hindi bilmokong nobyo.

Sumasainyo,

Vanezza